Italiyaning "Milan" klubi bosh murabbiylikka nomzodlar ro‘yxatiga 4 kishini kiritdi. Bu haqda Football Italia nashri xabar bermoqda.

Asosiy nomzod "rossonerilar"da ishlagan Massimiliano Allegri bo‘lib turibdi. U o‘tgan yilning may oyida "Yuventus"ni tark etgan va hozircha ishsiz. Yakuniy tanlovga yangi sport direktorini izlash ta’sir qilishi mumkin. Agar u Fabio Paratichi bo‘lsa, Antonio Kontening ishlash imkoniyati oshadi.

Shuningdek, "Milan" Sesk Fabregas ("Komo") va Roberto de Dzerbini ("Marsel") ham nomzod sifatida ko‘rmoqda. Manbaga ko‘ra, bu masalaga aprel oyining oxiridan oldin aniqlik kiritilmasligi mumkin. Ayni paytda jamoani portugaliyalik mutaxassis Serjiu Konseysau boshqarmoqda.