Италиянинг "Милан" клуби бош мураббийликка номзодлар рўйхатига 4 кишини киритди. Бу ҳақда Football Italia нашри хабар бермоқда.

Асосий номзод "россонерилар"да ишлаган Массимилиано Аллегри бўлиб турибди. У ўтган йилнинг май ойида "Ювентус"ни тарк этган ва ҳозирча ишсиз. Якуний танловга янги спорт директорини излаш таъсир қилиши мумкин. Агар у Фабио Паратичи бўлса, Антонио Контенинг ишлаш имконияти ошади.

Шунингдек, "Милан" Сеск Фабрегас ("Комо") ва Роберто де Дзербини ("Марсель") ҳам номзод сифатида кўрмоқда. Манбага кўра, бу масалага апрель ойининг охиридан олдин аниқлик киритилмаслиги мумкин. Айни пайтда жамоани португалиялик мутахассис Сержиу Консейсау бошқармоқда.