Yakshanba kuni kechqurun "Bornmut" va "Manchester Siti" Angliya kubogining chorak finalida to‘qnashadi. "Shaharliklar"ning bosh murabbiyi Xosep Gvardiola yaqinlashib kelayotgan raqibi haqida fikr bildirdi.

"Men "Bornmut" tartibsiz o‘ynayapti deb aytmasdim. Ularda o‘zlarining futbolchilari va g‘oyalariga mos keladigan o‘ziga xos o‘yin uslubi bor. Har bir jamoa o‘ziga xos tarzda o‘ynaydi. Kimdir to‘g‘riroq o‘ynasa, kimdir ko‘proq qanotlardan hujum qiladi. Iraoladan biror narsa o‘rganyapmanmi? Ha, juda ko‘p narsani," - dedi Gvardiola matbuot anjumanida.