"Atletiko Madrid" bosh murabbiyi Diyego Simeone o‘z qo‘l ostida o‘ynaydigan o‘g‘li Juliano Simeone haqida fikr bildirdi.
"Juliano shaxsiy jihatdan kichikdan kattaga qarab rivojlandi. U tirishqoqlik bilan mehnat qilib o‘smoqda va jamoaga zarur bo‘lgan narsalarga moslashmoqda. Milliy terma jamoada ham har ikki o‘yinda xuddi shunday holat yuz berdi - u e’tibordan chetda qolgan o‘yinchidan muhim figuraga aylandi. Umid qilamanki, u o‘z ustida ishlashni shu zayl g‘ayrat bilan davom ettiradi", - dedi 54 yoshli mutaxassis o‘z o‘g‘li haqida gapirar ekan.
Juliano Simeone qanot vingeri pozisiyasida o‘ynaydi. U joriy mavsumda jami 36 ta o‘yinda 4 ta gol urib, 7 ta golli uzatma berdi.
