"Arsenal" bosh murabbiyi Mikel Arteta yaqin yozda tarkibni kuchaytirishni istamoqda. Jurnalist Matteo Morettoning Relevo sahifalarida yozishicha, Artetaning asosiy transfer maqsadi "Real Sosyedad" yarim himoyachisi Martin Subimendi hisoblanadi.
Qayd etilishicha, Subimendiga eng ko‘p "Arsenal" qiziqish bildirmoqda. Londondagilar 26 yoshli futbolchini o‘z safiga qo‘shib olishlariga umid qilishmoqda.
Nufuzli Transfermarkt portali mutaxassislari Martin Subimendini 60 million yevroga baholamoqda. Futbolchining "Real Sosyedad" bilan amaldagi shartnomasi 2027 yilning yarmigacha mo‘ljallangan.













