"Арсенал" бош мураббийи Микель Артета яқин ёзда таркибни кучайтиришни истамоқда. Журналист Маттео Мореттонинг Relevo саҳифаларида ёзишича, Артетанинг асосий трансфер мақсади "Реал Сосьедад" ярим ҳимоячиси Мартин Субименди ҳисобланади.
Қайд этилишича, Субимендига энг кўп "Арсенал" қизиқиш билдирмоқда. Лондондагилар 26 ёшли футболчини ўз сафига қўшиб олишларига умид қилишмоқда.
Нуфузли Transfermarkt портали мутахассислари Мартин Субимендини 60 миллион еврога баҳоламоқда. Футболчининг "Реал Сосьедад" билан амалдаги шартномаси 2027 йилнинг ярмигача мўлжалланган.
