Moskvaning SSKA klubi vingeri Abbosbek Fayzullayev Yevropa klublari qiziqishlari doirasiga tushib qoldi. "Yevro-Futbol.Ru" nashriga ma’lum bo‘lishicha, O‘zbekiston milliy jamoasining 21 yoshli futbolchisiga Yevropaning top-5 ligalari klublari qiziqish bildirmoqda.
Ta’kidlab o‘tamiz, manbadagi ma’lumotlarga ko‘ra, "Galatasaroy" Fayzullayevni sotib olishni rejalashtirmayapti, bu haqda avvalroq turk OAVlari yozgan edi.
Fayzullayev joriy mavsumda RPL va Rossiya kubogida 28 ta uchrashuvda qatnashib, 3 ta gol urdi va 7 ta golli uzatma muallifiga aylandi.
Transfermarkt portali mutaxassislari futbolchining narxini sakkiz million yevroga baholamoqda.
