Erling Xoland "Manchester Siti" safida mavsumdagi 30-golini urdi.
Norvegiyalik forvard Angliya kubogi chorak finalida "Bornmut"ga qarshi o‘yinning 49-daqiqasida hisobni tenglashtirdi. Birinchi bo‘limda Xoland penaltidan foydalana olmadi.
Xoland joriy Kubok musobaqasida birinchi golini urdi - u turnirdagi ikkinchi o‘yinini o‘tkazmoqda. "Manchester Siti" forvardi Premyer-ligada 21 ta gol urgan va u to‘purarlar ro‘yxatida faqat Muhammad Salohdan ortda qolib, ikkinchi o‘rinni egallab turibdi.
Umuman olganda, Erling ushbu mavsumda klub miqyosidagi barcha musobaqalarda 40 ta o‘yinda 30 ta gol va 4 ta golli uzatmani amalga oshirdi.
