Italiya chempionatida 30-tur o‘yinlari bo‘lib o‘tdi, Milanning "Inter" klubi o‘z maydonida "Udineze"ni qabul qildi va 2:1 hisobida g‘alaba qozondi. "Inter"ning shveysariyalik darvozaboni Yann Zommer jamoasi muhim ochkolarni qo‘lga kiritdi, ammo ikkinchi bo‘limni yaxshi o‘tkazmadi, deb hisoblamoqda.

"Bu mavsumning hozirgi bosqichidagi muhim g‘alaba. Oldinda yana sakkizta o‘yin bor. Birinchi bo‘limda ikkita to‘p kiritib hisobda oldinga chiqib oldik, ammo ikkinchi bo‘limni yaxshi o‘tkaza olmadik. Raqib pressingni oshirdi va muammolar yaratdi," - deya Zommerning so‘zlarini keltiradi fcinter1908.it.