Италия чемпионатида 30-тур ўйинлари бўлиб ўтди, Миланнинг "Интер" клуби ўз майдонида "Удинезе"ни қабул қилди ва 2:1 ҳисобида ғалаба қозонди. "Интер"нинг швейцариялик дарвозабони Янн Зоммер жамоаси муҳим очколарни қўлга киритди, аммо иккинчи бўлимни яхши ўтказмади, деб ҳисобламоқда.
"Бу мавсумнинг ҳозирги босқичидаги муҳим ғалаба. Олдинда яна саккизта ўйин бор. Биринчи бўлимда иккита тўп киритиб ҳисобда олдинга чиқиб олдик, аммо иккинчи бўлимни яхши ўтказа олмадик. Рақиб прессингни оширди ва муаммолар яратди," - дея Зоммернинг сўзларини келтиради fcinter1908.it.
