Kataloniyaning "Barselona" klubi haligacha Ispaniya va "Atletik Bilbao" vingeri Niko Uilyamsga qiziqish bildirmoqda. Bu haqda Diario Sport jurnalistlari xabar bermoqda.
"Blaugranalar" o‘tgan yozda ispaniyalik futbolchini qo‘lga kiritishga harakat qilgandi, ammo keyin kelishuv amalga oshmay qoldi. Endi kataloniyaliklar ushbu mavsum oxirida transfer imkoniyatini ko‘rib chiqmoqda.
Futbolchining transfer qiymati 70 million yevroga baholanmoqda. Ispaniya chempionatining joriy mavsumida Niko 25 ta uchrashuvda ishtirok etib, 4 ta gol va 5 ta golli uzatmani amalga oshirgan.