Каталониянинг "Барселона" клуби ҳалигача Испания ва "Атлетик Бильбао" вингери Нико Уильямсга қизиқиш билдирмоқда. Бу ҳақда Diario Sport журналистлари хабар бермоқда.
"Блауграналар" ўтган ёзда испаниялик футболчини қўлга киритишга ҳаракат қилганди, аммо кейин келишув амалга ошмай қолди. Энди каталонияликлар ушбу мавсум охирида трансфер имкониятини кўриб чиқмоқда.
Футболчининг трансфер қиймати 70 миллион еврога баҳоланмоқда. Испания чемпионатининг жорий мавсумида Нико 25 та учрашувда иштирок этиб, 4 та гол ва 5 та голли узатмани амалга оширган.
