Sky Germany xabariga ko‘ra, "Ayntraxt" yarim himoyachisi Ugo Larsson uchun kurash keskinlashmoqda. "Manchester Siti" 20 yoshli shvetsiyalik futbolchiga da’vogarlar ro‘yxatiga qo‘shildi.

Ingliz klubi allaqachon muzokaralarni boshlab yuborgan va ularning qiziqishidan futbolchining o‘zi ham xabardor. Larssonning frankfurtliklar bilan shartnomasi 2029 yilgacha tuzilgan, shuning uchun uning yozdagi transferi arzonga tushmaydi.

Joriy mavsumda shved futbolchisi Frankfurtning “Ayntraxt” safida barcha turnirlarda 38 ta o‘yinda maydonga tushib, 6 ta gol va 1 ta golli uzatmaga mualliflik qilgan.