Sky Germany хабарига кўра, "Айнтрахт" ярим ҳимоячиси Уго Ларссон учун кураш кескинлашмоқда. "Манчестер Сити" 20 ёшли швециялик футболчига даъвогарлар рўйхатига қўшилди.

Инглиз клуби аллақачон музокараларни бошлаб юборган ва уларнинг қизиқишидан футболчининг ўзи ҳам хабардор. Ларссоннинг франкфуртликлар билан шартномаси 2029 йилгача тузилган, шунинг учун унинг ёздаги трансфери арзонга тушмайди.

Жорий мавсумда швед футболчиси Франкфуртнинг “Айнтрахт” сафида барча турнирларда 38 та ўйинда майдонга тушиб, 6 та гол ва 1 та голли узатмага муаллифлик қилган.