"Bavariya" va vinger Leroy Sane yangi shartnoma borasida muzokaralarni davom ettirmoqda. Amaldagi shartnoma uch oydan keyin tugaydi.
Klub rahbariyatida hamon futbolchi bilan shartnomani uzaytirish maqsadga muvofiqligiga shubha qiladiganlar bor, "Bavariya" esa uning munosabati va so‘nggi o‘yinlarini qadrlaydi. Jurnalist Florian Plettenbergning so‘zlariga ko‘ra, muzokaralar davom etmoqda, Sane maoshini kamaytirishga rozi.
Biroq 29 yoshli futbolchi hozircha aniq taklif olgani yo‘q. Hammasi og‘zaki muhokamalar bilan chegaralangan. Yakuniy qaror bir-uch hafta ichida qabul qilinishi kutilmoqda.
"Arsenal" Leroy Sanega qiziqish bildirmoqda. "Kanonirlar" allaqachon "Manchester Siti"ning sobiq vingeri bilan aloqaga chiqishgan.
