"Бавария" ва вингер Лерой Сане янги шартнома борасида музокараларни давом эттирмоқда. Амалдаги шартнома уч ойдан кейин тугайди.
Клуб раҳбариятида ҳамон футболчи билан шартномани узайтириш мақсадга мувофиқлигига шубҳа қиладиганлар бор, "Бавария" эса унинг муносабати ва сўнгги ўйинларини қадрлайди. Журналист Флориан Плеттенбергнинг сўзларига кўра, музокаралар давом этмоқда, Сане маошини камайтиришга рози.
Бироқ 29 ёшли футболчи ҳозирча аниқ таклиф олгани йўқ. Ҳаммаси оғзаки муҳокамалар билан чегараланган. Якуний қарор бир-уч ҳафта ичида қабул қилиниши кутилмоқда.
"Арсенал" Лерой Санега қизиқиш билдирмоқда. "Канонирлар" аллақачон "Манчестер Сити"нинг собиқ вингери билан алоқага чиқишган.
