«Манчестер Сити» ва Норвегия терма жамоаси ҳужумчиси Эрлинг Холанд Мадриднинг «Реал» клубига ўтиш имкониятини инкор этмаяпти.
«Шаҳарликлар» етакчиси шу ёзда жамоани тарк этмайди, бироқ келажакда «қаймоқранглилар» лагерига кўчиб ўтиш сценарийсини жозибали ва мутлақо реал истиқбол сифатида кўриб чиқмоқда, деб хабар беради Madrid Zone инсайдер Фабрицио Романога таяниб. Ҳужумчининг инглиз гранди билан амалдаги шартномаси 2034 йилнинг ўрталарига қадар мўлжалланган.
Эрлинг Холанднинг Бразилия терма жамоаси дарвозасига урган дубли (2:1) Норвегияни Жаҳон чемпионатининг чорак финалига олиб чиқди. Ярим финал йўлланмаси учун скандинавияликлар Англия билан баҳслашади.
Холанднинг Transfermarkt порталидаги баҳоси 200 миллион еврони ташкил этади.
