“An-Nasr” hujumchisi Krishtianu Ronaldu “Real”ga qaytishi mumkin, deb xabar bermoqda Sky Sports.

Avval xabar qilinganidek, 40 yoshli portugaliyalik futbolchi "An-Nasr" bilan ushbu mavsum oxirida tugaydigan shartnomasini uzaytirmaslik haqida o‘ylamoqda. Ronaldu Saudiya klubi saralashdan o‘ta olmagan klublar o‘rtasidagi 2025 yilgi yangi Jahon chempionatida ishtirok etmoqchi.

FIFA 1-10 iyun kunlari klublar o‘rtasidagi jahon chempionati vaqtida maxsus transfer oynalarini ochadi, Ronaldu esa jamoa bilan bitta turnir uchun shartnoma imzolash imkoniyatiga ega bo‘ladi. Avvalroq, hujumchiga "Inter Mayami" va "Al-Hilol" klublari ham qiziqish bildirayotgani haqida xabarlar tarqalgan edi.

Ronaldu joriy mavsumda klub va terma jamoasi safida 40 ta o‘yinda maydonga tushib, 34 ta gol urdi va 5 ta golli uzatmani amalga oshirdi.