“Ан-Наср” ҳужумчиси Криштиану Роналду “Реал”га қайтиши мумкин, деб хабар бермоқда Sky Sports.

Аввал хабар қилинганидек, 40 ёшли португалиялик футболчи "Ан-Наср" билан ушбу мавсум охирида тугайдиган шартномасини узайтирмаслик ҳақида ўйламоқда. Роналду Саудия клуби саралашдан ўта олмаган клублар ўртасидаги 2025 йилги янги Жаҳон чемпионатида иштирок этмоқчи.

ФИФА 1-10 июнь кунлари клублар ўртасидаги жаҳон чемпионати вақтида махсус трансфер ойналарини очади, Роналду эса жамоа билан битта турнир учун шартнома имзолаш имкониятига эга бўлади. Аввалроқ, ҳужумчига "Интер Майами" ва "Ал-Ҳилол" клублари ҳам қизиқиш билдираётгани ҳақида хабарлар тарқалган эди.

Роналду жорий мавсумда клуб ва терма жамоаси сафида 40 та ўйинда майдонга тушиб, 34 та гол урди ва 5 та голли узатмани амалга оширди.