La Gazzetta dello Sport xabariga ko‘ra, hujumchi Dushan Vlaxovich va "Yuventus" vakillari eng yaxshi variant yozda xayrlashish bo‘lishi haqida kelishib olishgan. Turin klubi serbiyalik bilan yangi shartnomani moliyaviy jihatdan foydasiz deb hisoblamoqda, futbolchining o‘zi esa maosh talablarining pasayishiga rozi emas.

"Arsenal" hujumchiga bo‘lgan qiziqishni saqlab turibdi. Londonliklar qishki transfer variantini ko‘rib chiqayotgandi, ammo kelishuv amalga oshmadi. Endi kurashga "Nyukasl" ham qo‘shilishi mumkin, ayniqsa, Aleksandr Isak jamoani tark etsa. "Manchester Yunayted" ham variant bo‘lishi mumkin.

Ayni paytda "Yuventus" Vlaxovichni 40-45 million yevroga baholamoqda. Shu bilan birga, futbolchining o‘zi faoliyatining ushbu bosqichida Saudiya Arabistoniga ko‘chib o‘tish variantini ko‘rib chiqmaydi.

Eslatib o‘tamiz, ushbu mavsumda serbiyalik futbolchi "Yuventus" safida barcha musobaqalarda 35 ta o‘yinda maydonga tushib, 14 ta gol va 3 ta golli uzatmani amalga oshirdi.