"Vulverxempton" hujumchisi Mateus Kunya yaqinlashib kelayotgan yozgi transferlar bozorida eng ko‘p muhokama qilinadigan nomlardan biriga aylanadi.

"Arsenal" sport direktori Andrea Berta ayniqsa Kunyani "Emireyts"ga taklif qilishdan manfaatdor, deb xabar berdi CaughtOffside. "Atletiko"da futbolchi bilan birga ishlagan Berta Kunya turli hujumkor rollarda foydali bo‘lishi mumkin, deb hisoblaydi.

Ammo "Arsenal" jiddiy raqobatga duch kelishiga to‘g‘ri keladi, chunki "Nottingem Forest" futbolchini kuzatib bormoqda va uning 62,5 million funtlik tovon pulini faollashtirishga tayyor. Kunyani "kanonirlar"ning ashaddiy raqiblaridan biri "Tottenxem" ham o‘z safiga qo‘shib olmoqchi. "Shporlar" braziliyalik futbolchi va uning jamoadoshi Joau Gomeshni sotib olish uchun 100 million funtdan ko‘proq mablag‘ ajratishni rejalashtirmoqda.

Eslatib o‘tamiz, Kunya joriy mavsum "bo‘rilar" safida barcha musobaqalarda 29 ta o‘yinda 15 ta gol va 4 ta golli uzatmani amalga oshirdi.