"Вулверхэмптон" ҳужумчиси Матеус Кунья яқинлашиб келаётган ёзги трансферлар бозорида энг кўп муҳокама қилинадиган номлардан бирига айланади.
"Арсенал" спорт директори Андреа Берта айниқса Куньяни "Эмирейтс"га таклиф қилишдан манфаатдор, деб хабар берди CaughtOffside. "Атлетико"да футболчи билан бирга ишлаган Берта Кунья турли ҳужумкор ролларда фойдали бўлиши мумкин, деб ҳисоблайди.
Аммо "Арсенал" жиддий рақобатга дуч келишига тўғри келади, чунки "Ноттингем Форест" футболчини кузатиб бормоқда ва унинг 62,5 миллион фунтлик товон пулини фаоллаштиришга тайёр. Куньяни "канонирлар"нинг ашаддий рақибларидан бири "Тоттенхэм" ҳам ўз сафига қўшиб олмоқчи. "Шпорлар" бразилиялик футболчи ва унинг жамоадоши Жоау Гомешни сотиб олиш учун 100 миллион фунтдан кўпроқ маблағ ажратишни режалаштирмоқда.
Эслатиб ўтамиз, Кунья жорий мавсум "бўрилар" сафида барча мусобақаларда 29 та ўйинда 15 та гол ва 4 та голли узатмани амалга оширди.
