UYEFA rahbariyati Chempionlar Ligasi 1/8 finalidan o‘rin olgan "Atletiko"ga qarshi javob uchrashuvidan so‘ng "Real"ning bir qator futbolchilarining xatti-harakatlarini o‘rganish uchun tekshiruv o‘tkazadi.
O‘yin penaltilar seriyasidan so‘ng "Real"ning musobaqaning keyingi bosqichiga chiqishi bilan yakunlandi. G‘alabani nishonlayotgan bir necha futbolchi haqoratli deb baholanishi mumkin bo‘lgan imo-ishoralarni ishlatdi, deb yozadi Marca.
Manbaga ko‘ra, Kilian Mbappe, Vinisius Junior va Daniel Sebalyos pul jarimalari va shartli ravishda bir o‘yinga diskvalifikasiya qilinishi mumkin, Antonio Ryudiger esa 8 aprel kuni bo‘lib o‘tadigan Londonning "Arsenal" klubiga qarshi Chempionlar ligasi chorak finalining dastlabki o‘yinini o‘tkazib yuborishi mumkin.
