УЕФА раҳбарияти Чемпионлар Лигаси 1/8 финалидан ўрин олган "Атлетико"га қарши жавоб учрашувидан сўнг "Реал"нинг бир қатор футболчиларининг хатти-ҳаракатларини ўрганиш учун текширув ўтказади.

Ўйин пенальтилар сериясидан сўнг "Реал"нинг мусобақанинг кейинги босқичига чиқиши билан якунланди. Ғалабани нишонлаётган бир неча футболчи ҳақоратли деб баҳоланиши мумкин бўлган имо-ишораларни ишлатди, деб ёзади Marca.

Манбага кўра, Килиан Мбаппе, Винисиус Жуниор ва Даниэль Себальос пул жарималари ва шартли равишда бир ўйинга дисквалификация қилиниши мумкин, Антонио Рюдигер эса 8 апрель куни бўлиб ўтадиган Лондоннинг "Арсенал" клубига қарши Чемпионлар лигаси чорак финалининг дастлабки ўйинини ўтказиб юбориши мумкин.