“Yuventus” bosh murabbiyi Igor Tudor “Roma” bilan durang (1:1) bilan yakunlangan uchrashuv natijasini sarhisob qildi.
"Birinchi bo‘lim menga juda yoqdi. Biz faol hujum qildik va bir qancha qulay vaziyatlar yaratdik. Tanaffusdan so‘ng "Roma" tarkibini o‘zgartirdi va tezda burchakdan gol urdi, ammo biz yakunda yaxshi o‘ynadik va g‘alaba qozonishimiz ham mumkin edi. Biz har doim g‘alaba qozonishni xohlaymiz, ammo bu durang bizga ishonch beradi, chunki "Roma" so‘nggi yettita o‘yinda g‘alaba qozongan. Biz to‘g‘ri yo‘ldamiz", - dedi Tudor.
“Yuventus” A Seriyaning 31-turidan so‘ng 56 ochko bilan turnir jadvalida beshinchi o‘rinda bormoqda.
