Italiya chempionatida 31-turning so‘nggi o‘yini bo‘lib o‘tdi, “Bolonya” va “Napoli” jamoalari o‘rtasidagi bahsda 1:1 hisobi qayd etilib, g‘olib nomi aniqlanmadi.
“Bolonya”ning yagona goliga Dan Ndoy mualliflik qildi. Hujumchi muxlislarning qo‘llab-quvvatlashini eng muhim omil deb biladi va buning uchun ularga minnatdorchilik bildirdi.
"Bu stadionda o‘ynash har doim yoqimli va uyda har doim qo‘shimcha motivasiya bor. To‘p o‘zimga qarab kelayotganini his qildim va o‘sha vaziyatda unga zarba berishning yagona yo‘lini sinab ko‘rdim.
To‘p darvozaga kirganidan juda xursandman", - deya Ndoyning so‘zlarini keltiradi calcionapoli1926.it.
