"Chelsi"ning 23 yoshli vingeri Noni Madueke "Tottenxem"ga qaytishi mumkin. Bu haqda CaughtOffside xabar bermoqda.

Manbaga ko‘ra, "Tottenxem" 2018 yilda jamoani tark etgan o‘z tarbiyalanuvchisiga jiddiy qiziqish bildirmoqda.

Ta’kidlanishicha, ayni damda "shporlar" yaqin yozda Maduekeni sotib olish imkoniyatini o‘rganmoqda.

Joriy mavsumda angliyalik futbolchi barcha musobaqalarda 30 ta o‘yinda maydonga tushib, 8 ta gol urdi va 4 ta golli uzatmaga mualliflik qildi.

Maduekening "Chelsi" bilan shartnomasi 2030 yilgacha mo‘ljallangan.