"Arsenal" "Real"ning hujumkor yarim himoyachisi Arda Gyulerni sotib olishni ko‘rib chiqmoqda.

Londonliklar turkiyalik futbolchini 30 million yevroga baholagani aytilmoqda.

Oldinroq Madridning “Real” klubi futbolchini sotish niyatida emasligi va faqat ijara masalasini ko‘rib chiqishga tayyor ekani qayd etilgandi. Transfermarkt yarim himoyachini 45 million yevroga baholamoqda. Futbolchining amaldagi shartnomasi yana to‘rt yilga mo‘ljallangan.

Gyuler joriy mavsum Ispaniya chempionatida 20 ta o‘yinda maydonga tushib, 1 ta gol va 3 ta golli uzatmani amalga oshirdi.