Yevropa chempionlar ligasi chorak finalining dastlabki o‘yinlari bo‘lib o‘tmoqda, Myunxenning "Bavariya" klubi o‘z maydonida "Inter"ni qabul qildi va 1:2 hisobida mag‘lub bo‘ldi. Uchrashuvga Myunxenning "Bavariya" klubi sardori Yozua Kimmix o‘z munosabatini bildirdi. U natijani aniq salbiy deb hisoblaydi.
"Bu biz uchun yomon natija, chunki biz ustunlikka ega edik, bizda ko‘proq imkoniyatlar bor edi, ammo ular o‘zlariga berilgan imkoniyatlardan yaxshiroq foydalanishdi. Biz kuchli jamoaga qarshi o‘ynadik, ammo o‘yinni nazorat qildik va boshqacha natija ko‘rsatishimiz kerak edi," - deya Kimmixning so‘zlarini keltiradi BBC Sport.
