"Osasuna" RFEF'ning Inigo Martines bo‘yicha qaroriga qo‘shilmayapti.
Eslatib o‘tamiz, "Barselona" 27 mart kuni Pamplona jamoasi ustidan 3:0 hisobida g‘alaba qozongandi.
Ertasi kuni "Osasuna" Inigo Martinesning "Barselona" tarkibida noto‘g‘ri ishtirok etgani uchun Ispaniya Qirollik Futbol Federasiyasiga (RFEF) apellyasiya berdi. Klubning fikricha, himoyachining ushbu o‘yinda maydonga tushishi futbolchilarning maqomi va transferlari bo‘yicha FIFA Reglamentining I ilovasi 5-moddasini buzadi.
Unga ko‘ra, tibbiy sabablarga ko‘ra milliy terma jamoaga qo‘shilmagan yoki uni tark etgan futbolchi xalqaro davr yakunlanganidan keyin 5 kalendar kun davomida o‘z klubi safida to‘p tepishi mumkin emas.
Bugun "Osasuna"ning Inigo ishtiroki bo‘yicha shikoyati rad etilgani ma’lum bo‘ldi. RFEF kataloniyaliklar reglamentni buzmagani haqida qaror qabul qildi.
COPE jurnalisti Alberto Sansning xabar berishicha, "Osasuna" chiqarilgan qarordan norozi va apellyasiya berish niyatida.
