Italiyaning "Roma" klubi sport direktori Floran Gisolfi Artyom Dovbik haqida fikr bildirdi.
"Menimcha, Dovbik keyingi bir necha yil ichida A Seriyaning eng yaxshi hujumchisiga aylanishi mumkin. Men unga o‘z ustida ishlashda davom etishi kerakligini aytdim, chunki hozirda u o‘z salohiyatining atigi 50 foizidan foydalanmoqda," - deya Gisolfining so‘zlarini keltiradi TuttomercatoWEB nashri.
Joriy mavsumda 27 yoshli Artyom Dovbik "Roma" safida barcha musobaqalarda 41 ta o‘yinda 16 ta gol urdi va 4 ta golli uzatmani amalga oshirdi.













