"Barselona" hujumchilarga qiziqish bildirmoqda. Kataloniyaliklar avgust oyida 37 yoshni qarshi oladigan Robert Levandovskining o‘rinbosarlari haqida o‘ylamoqda. Shunday bo‘lsa-da, Onze'ning yangilangan ma’lumotiga ko‘ra, "Barsa" kutilmagan holatlar yuz bermasa, yaqin transferlar davrida hujumchini o‘z safiga qo‘shib olish niyatida emas.

Levandovskining "ko‘k-anorranglilar" bilan shartnomasi 2026 yilning yarmigacha mo‘ljallangan. Polshalik futbolchi joriy mavsum Xans-Diter Flik jamoasi safida barcha musobaqalarda 46 ta o‘yinda maydonga tushib, 40 ta gol va uchta assistni o‘z hisobiga yozdirib qo‘ydi.