Madridning "Real" klubi bosh murabbiyi Karlo Anchelotti Chempionlar Ligasi 1/4 finalidan o‘rin olgan Londonning "Arsenal" klubiga qarshi javob o‘yinida kim himoya chizig‘ida o‘ynashini hal qildi.
"Qaymoqranglilar"ga kambek kerak - ular o‘tgan hafta Londonda 0:3 hisobida mag‘lub bo‘lishdi. Ikkinchi o‘yin bugun "Santyago Bernabeu"da bo‘lib o‘tadi. Relevo xabariga ko‘ra, "Real" himoyasining chap qanotida David Alaba, o‘ng qanotda Raul Asensio, markazda esa Orelyen Tchuameni va Antonio Ryudiger harakat qiladi - o‘yindan oldingi mashg‘ulotlarda aynan shunday kombinasiya qayd etilgandi. Bundan tashqari, qizig‘i, jarohatidan so‘ng safga qaytgan yarim himoyachi Dani Sebalyos asosiy tarkibda maydonga tushishi kutilmoqda.
