"An-Nasr" klubi Krishtianu Ronaldu bilan shartnomani uzaytirishga yaqin turibdi.
Jurnalist Ben Jeykobsning so‘zlariga ko‘ra, Ar-Riyod klubi portugaliyalik forvardga moliyaviy shartlar saqlanib qolgan holda 1+1 ko‘rinishida shartnoma taklif qilishga tayyor, shartnomani uzaytirish bo‘yicha muzokaralar muvaffaqiyatli davom etmoqda. Ronalduning amaldagi shartnomasi iyun oyida tugaydi.
"An-Nasr" Moyses Kaysedoga ham qiziqish bildirmoqda. Biroq "Chelsi" 23 yoshli yarim himoyachini sotishni rejalashtirmayapti, ta’kidlanishicha, londonliklar hozirda ekvadorlik futbolchini uning uchun to‘langan 115 million funtdan ancha yuqori baholamoqda.
