Madridning “Real” klubining fransiyalik hujumchisi Kilian Mbappe 2024/2025 yilgi Chempionlar ligasining “Arsenal”ga qarshi javob uchrashuvida (1:2) gol ura olmadi va bu yulduz forvardning barcha musobaqalarda ketma-ket beshinchi gol va golli uzatmaga ega bo‘lmagan o‘yiniga aylandi.
OptaJean xabariga ko‘ra, bu fransiyalik futbolchining 2018 yilning aprel-may oylaridan beri eng yomoni seriyasi bo‘ldi. O‘shanda ham Mbappe beshta o‘yinda gol ura olmagan va golli uzatma ham bermagan.
Chempionlar ligasida "Arsenal" bilan ikkita o‘yinni (1:2, 0:3) hisobga olmaganda, Kilian Ispaniya kubogi yarim finalining "Real Sosyedad"ga qarshi javob o‘yinida (4:4) va La Liganing "Valensiya" (1:2) va "Alaves" (1:0) bilan ikkita uchrashuvida gol ura olmadi.
La Liganing 32-turidan o‘rin olgan navbatdagi o‘yinda madridliklar Bilbaoning "Atletik" jamoasiga qarshi bahs olib boradi.
