Мадриднинг “Реал” клубининг франциялик ҳужумчиси Килиан Мбаппе 2024/2025 йилги Чемпионлар лигасининг “Арсенал”га қарши жавоб учрашувида (1:2) гол ура олмади ва бу юлдуз форварднинг барча мусобақаларда кетма-кет бешинчи гол ва голли узатмага эга бўлмаган ўйинига айланди.
OptaJean хабарига кўра, бу франциялик футболчининг 2018 йилнинг апрель-май ойларидан бери энг ёмони серияси бўлди. Ўшанда ҳам Мбаппе бешта ўйинда гол ура олмаган ва голли узатма ҳам бермаган.
Чемпионлар лигасида "Арсенал" билан иккита ўйинни (1:2, 0:3) ҳисобга олмаганда, Килиан Испания кубоги ярим финалининг "Реал Сосьедад"га қарши жавоб ўйинида (4:4) ва Ла Лиганинг "Валенсия" (1:2) ва "Алавес" (1:0) билан иккита учрашувида гол ура олмади.
Ла Лиганинг 32-туридан ўрин олган навбатдаги ўйинда мадридликлар Бильбаонинг "Атлетик" жамоасига қарши баҳс олиб боради.
