"Inter" sardori Lautaro Martines Chempionlar Ligasi yarim finaliga chiqish masalasida fikr bildirdi. Chorak finalda uning jamoasi "Bavariya"dan ustun keldi. Germaniyadagi dastlabki o‘yin "neradzurrilar"ning 2:1 hisobidagi g‘alabasi bilan yakunlangan bo‘lsa, Milanda raqiblar 2:2 hisobidagi durangga imzo chekishdi. Yarim finalda "Inter" "Barselona" bilan kuch sinashadi.
"Biz bu o‘yinni uzoq vaqt eslab qolamiz! "Inter" hech qachon taslim bo‘lmaydi: bizda xarakter, yurak va bosh bor. Sabr qildik, ammo buyuk ishlarga qodir ekanimizni yana bir bor ko‘rsatdik", - dedi argentinalik forvard.













