"Интер" сардори Лаутаро Мартинес Чемпионлар Лигаси ярим финалига чиқиш масаласида фикр билдирди. Чорак финалда унинг жамоаси "Бавария"дан устун келди. Германиядаги дастлабки ўйин "нерадзуррилар"нинг 2:1 ҳисобидаги ғалабаси билан якунланган бўлса, Миланда рақиблар 2:2 ҳисобидаги дурангга имзо чекишди. Ярим финалда "Интер" "Барселона" билан куч синашади.
"Биз бу ўйинни узоқ вақт эслаб қоламиз! "Интер" ҳеч қачон таслим бўлмайди: бизда характер, юрак ва бош бор. Сабр қилдик, аммо буюк ишларга қодир эканимизни яна бир бор кўрсатдик", - деди аргентиналик форвард.
