"Real" joriy mavsum trebl uchun imkoniyatni boy berdi.
Madridliklar Chempionlar ligasi 1/4 final javob o‘yinida "Arsenal"ga (1:2) imkoniyatni boy berib, turnirni tark etdi. Birinchi o‘yinda "qaymoqranglilar" 0:3 hisobida mag‘lub bo‘lishdi.
Avvalroq, Karlo Anchelotti murabbiyligidagi jamoa Ispaniya kubogi finalida "Barselona"ga qarshi bahs olib borishi aniq bo‘lgandi. La Ligada "Madrid" peshqadam "Barsa"dan 4 ochko ortda qolib, 2-o‘rinda bormoqda.
Qayd etish joiz, "Real" o‘z tarixida hali birorta treblni qo‘lga kiritmagan. Buning uchun bir mavsumda Chempionlar ligasida g‘alaba qozonish, mamlakat chempionati va kubogini qo‘lga kiritish kerak.
