Payshanba kuni "Liverpul" himoyachi Virjil van Deyk bilan shartnomani uzaytirganini e’lon qildi. The Athletic xabariga ko‘ra, niderlandiyalik futbolchining yangi mehnat shartnomasida yuqori maosh - haftasiga taxminan 400 ming funt ko‘rsatilgan. Taxminlarga ko‘ra, bu Yevropadagi himoyachilar orasida eng yuqori maosh hisoblanadi.

"Liverpul"da van Deyk "Sautgempton"dan transfer qilinganidan keyin 2018 yil boshidan buyon to‘p tepib kelmoqda. Himoyachi 314 ta o‘yinda maydonga tushib, 27 ta gol va 13 ta golli uzatmani o‘z hisobiga yozdirib qo‘ygan.

"Liverpul" Premyer-ligada ikkinchi o‘rindagi "Arsenal"ni 13 ochkoga ortda qoldirgan holda peshqadamlik qilmoqda.