Пайшанба куни "Ливерпуль" ҳимоячи Виржил ван Дейк билан шартномани узайтирганини эълон қилди. The Athletic хабарига кўра, нидерландиялик футболчининг янги меҳнат шартномасида юқори маош - ҳафтасига тахминан 400 минг фунт кўрсатилган. Тахминларга кўра, бу Европадаги ҳимоячилар орасида энг юқори маош ҳисобланади.
"Ливерпуль"да ван Дейк "Саутгемптон"дан трансфер қилинганидан кейин 2018 йил бошидан буён тўп тепиб келмоқда. Ҳимоячи 314 та ўйинда майдонга тушиб, 27 та гол ва 13 та голли узатмани ўз ҳисобига ёздириб қўйган.
"Ливерпуль" Премьер-лигада иккинчи ўриндаги "Арсенал"ни 13 очкога ортда қолдирган ҳолда пешқадамлик қилмоқда.
