"Komo" yarim himoyachisi Dele Alli JCH-2026 uchun Angliya terma jamoasiga qaytishni istayotganini aytdi.

"Men, albatta, hali tugatmaganman. Men juda ambisiyali odamman. Hozir menda har qachongidan ham ishtiyoq bor. Oxirgi ikki yil men uchun qiyin bo‘ldi, men ko‘p narsani o‘rganishim va rivojlanishimga to‘g‘ri keldi. Hamma narsa bir sababga ko‘ra sodir bo‘lishiga qat’iy ishonaman. Menimcha, hozir mening maqsadim o‘tmishda qilgan ishimni yengish.

O‘z oldimga qo‘ygan maqsadlarimga erishish unchalik qiyin emas deb o‘ylayman. O‘tmishda aytganimdek, mening yaqin maqsadlarimdan biri 2026 yilgi jahon chempionati uchun Angliya terma jamoasiga qaytish. Bu hali ham mening niyatim", - deydi Alli.

Dele Alli 2025 yilning 19 yanvarida "Komo" bilan shartnoma imzolagan. Futbolchining klub bilan shartnomasi 2026 yilning yoziga qadar mo‘ljallangan.