"Barselona" Rafinya bilan yangi shartnoma shartlari borasida hali kelishib olgani yo‘q.

28 yoshli vingerning kataloniyaliklar bilan amaldagi kelishuvi 2027 yilgacha mo‘ljallangan. Tomonlar hamkorlikni davom ettirishni istaydilar.

Diario Sport xabariga ko‘ra, "blaugrana" rahbariyati futbolchiga yangi shartnoma taklif qilishga qaror qilgan, biroq tomonlarning asosiy masalalar bo‘yicha pozisiyalari jiddiy farq qilmoqda.

"Barselona" yana bir mavsumga uzaytirish imkoniyati bilan bir yillik shartnoma tuzishni taklif qilmoqda - klub futbolchilar juda uzoq va juda qimmat shartnomalar imzolagan holatlar takrorlanmasligini istamoqda. Braziliyalik esa 2 yillik shartnoma imzolashni mo‘ljallamoqda.

Bundan tashqari, Rafinya taklif qilingan maoshdan norozi. Futbolchining agentlari "Barsa" uni ishontirmoqchi bo‘lsa, taklifni yaxshilashini ta’kidlamoqda.

Tovon puli summasini kelishish bilan muammolar yuzaga kelmaydi. Klubning fikricha, u juda yuqori bo‘lmasligi kerak - katta ehtimol bilan 80 mln yevro bo‘ladi.

Rafinya joriy mavsum La Ligada 31 ta o‘yinda maydonga tushdi va o‘z hisobiga 15 ta gol hamda 9 ta golli uzatma yozdirib qo‘ydi.