"PSJ" klubi va Fransiya yoshlar terma jamoasi himoyachisi Aksel Tape faoliyatini parijliklar safida davom ettirishi dargumon. 17 yoshli futbolchi katta ehtimol bilan klub bilan professional shartnoma imzolamaydi, chunki u jamoada katta raqobat borligini tushunadi.
Tapega "Bayer" va "Tottenxem" da’vogarlik qilmoqda. Ta’kidlanishicha, leverkuzenliklar katta imkoniyatlarga ega.
Joriy mavsumda Tape Fransiya kubogida "PSJ"ning asosiy jamoasi safida bitta o‘yin o‘tkazdi.
Avvalroq parijliklar vingeriga "Manchester Siti" qiziqish bildirayotgani haqida xabarlar tarqalgan edi.













