31 yoshli markaziy himoyachi Erik Dayer joriy mavsum yakunida «Bavariya» klubini tark etib, «Monako» jamoasiga o‘tadi. Bu haqda insayder jurnalist Fabrisio Romano ijtimoiy tarmoqda xabar berdi.

Manbalarga ko‘ra, angliyalik futbolchining yangi jamoa bilan shartnomasi 2027 yil yozigacha mo‘ljallangan bo‘ladi. Shuningdek, unga kelishuvni bir mavsumga uzaytirish imkoniyati ham qo‘shiladi. Dayerning «Bavariya» bilan amaldagi shartnomasi shu yozda yakunlanadi.

Eslatib o‘tamiz, Erik Dayer o‘tgan yilning iyunida «Bavariya»ga doimiy ravishda o‘tgan edi. Joriy mavsumda u barcha musobaqalarda 25 ta uchrashuvda qatnashib, 2 ta gol va 1 ta golli uzatma bilan ishtirok etdi.

Transfermarkt portali ma’lumotiga ko‘ra, futbolchining bozor qiymati 8 million yevroni tashkil etadi.