"Atletik" vingeri Niko Uilyams bo‘lajak xaridorlarni katta maosh so‘rash bilan qo‘rqitmoqda.
Ma’lumki, 22 yoshli futbolchi "Atletik"da katta maosh oladi, shu bois Yevropa grandlari uni o‘z takliflari bilan hayratga solishi oson emas. Jurnalist Kris Uilerning ma’lum qilishicha, Uilyamsning vakillari ispaniyalik futbolchiga da’vogarlik qilayotgan klublardan haftasiga 470 ming yevrodan ko‘proq maosh so‘ramoqda. Futbolchi Londonning "Chelsi" va "Arsenal" klublarida qiziqish uyg‘otmoqda, ammo bunday talablarga ikkalasi grand ham javob berishga tayyor emas.
Transfermarkt portalida Niko Uilyamsning narxi 70 mln yevroga baholanmoqda.













