"Barselona" himoyachisi avvalroq mashg‘ulotlarga kechikkani uchun o‘yinda asosiy tarkibda maydonga tusha olmagandi.
Bu allaqachon uch marta - "Alaves", "Espanyol" va "Rayo Valyekano"ga qarshi o‘yinlarda sodir bo‘lgan.
Xansi Flik punktuallik borasida qat’iy qoladi. "Barsa" bosh murabbiyi bir daqiqa bo‘lsa ham kech qolgan har qanday futbolchini tarkibdan chetlatishga tayyor.
Mundo Deportivo xabariga ko‘ra, keyingi kechikishlarning oldini olish uchun Kunde klubdagi xavfsizlik xodimlaridan Flikning taktik mashg‘uloti boshlanishidan o‘n besh daqiqa oldin unga bu borada eslatishlarini so‘ragan. Jyul mavsumning hal qiluvchi bahslari oldidan tavakkal qilishni istamaydi.
Aytishlaricha, fransuz bu muammoni o‘zi hal qilishga urinib ko‘rgan, biroq oxir-oqibat boshqa birov unga mehmonxonadan chiqib, jamoa bilan bazaga borishni eslatib qo‘ysa, yaxshiroq degan xulosaga kelgan.
