"Барселона" ҳимоячиси аввалроқ машғулотларга кечиккани учун ўйинда асосий таркибда майдонга туша олмаганди.
Бу аллақачон уч марта - "Алавес", "Эспаньол" ва "Райо Вальекано"га қарши ўйинларда содир бўлган.
Ханси Флик пунктуаллик борасида қатъий қолади. "Барса" бош мураббийи бир дақиқа бўлса ҳам кеч қолган ҳар қандай футболчини таркибдан четлатишга тайёр.
Mundo Deportivo хабарига кўра, кейинги кечикишларнинг олдини олиш учун Кунде клубдаги хавфсизлик ходимларидан Фликнинг тактик машғулоти бошланишидан ўн беш дақиқа олдин унга бу борада эслатишларини сўраган. Жюль мавсумнинг ҳал қилувчи баҳслари олдидан таваккал қилишни истамайди.
Айтишларича, француз бу муаммони ўзи ҳал қилишга уриниб кўрган, бироқ охир-оқибат бошқа биров унга меҳмонхонадан чиқиб, жамоа билан базага боришни эслатиб қўйса, яхшироқ деган хулосага келган.
