"Rayo Valyekano" inventarlar o‘g‘irlangani sababli mashg‘ulotlarni bekor qildi.
Juma kuni Madrid klubi La Liga doirasida "Xetafe"ni mag‘lub etdi (1:0) va bir necha kunlik dam oldi.
Jamoa dushanba kuni ertalab mashg‘ulot bazasida yig‘ilishi kerak edi.
Biroq, AS nashrining xabar berishicha, belgilangan vaqtda hech kim maydonga tushmagan. Ma’lum bo‘lishicha, mashg‘ulotlarning bekor qilinishiga dam olish kunlari sodir bo‘lgan turli jihozlar – butsa, qo‘lqop va hokazolarning o‘g‘irlanishi sabab bo‘lgan.
Qayd etilishicha, bu birinchi bunday holat emas. Futbolchilar klub prezidenti Raul Martin Presaga murojaat qilib, muammoga yechim topishni so‘rashgan.
