"Райо Вальекано" инвентарлар ўғирлангани сабабли машғулотларни бекор қилди.
Жума куни Мадрид клуби Ла Лига доирасида "Хетафе"ни мағлуб этди (1:0) ва бир неча кунлик дам олди.
Жамоа душанба куни эрталаб машғулот базасида йиғилиши керак эди.
Бироқ, AS нашрининг хабар беришича, белгиланган вақтда ҳеч ким майдонга тушмаган. Маълум бўлишича, машғулотларнинг бекор қилинишига дам олиш кунлари содир бўлган турли жиҳозлар – бутса, қўлқоп ва ҳоказоларнинг ўғирланиши сабаб бўлган.
Қайд этилишича, бу биринчи бундай ҳолат эмас. Футболчилар клуб президенти Раул Мартин Пресага мурожаат қилиб, муаммога ечим топишни сўрашган.
